ka makau

ʻAʻole ka lanakila ka pahuhopu wale nō o Shalia Kapuau‘ionalani Kikuyo Kamakaokalani, akā, ka haʻi moʻolelo ʻana e pili ana i nā mamo o ka mōʻīwahine ʻo Kapiʻolani a me ke kamāliʻi wahine ʻo Kaʻiulani. Ma ka lā 5 o ʻApelila, 2018, ua lanakila ʻo ia i ke kūlana Miss Aloha Hula ma o kāna hula ʻana ma ka hula kahiko a me ka hula ʻauana o ka hoʻokūkū hula.

He pukana ʻo Kamakaokalani no ke kula ʻo Kamehameha a ke aʻo nei ʻo ia i ka ʻōlelo Hawaiʻi ma ke kula nui o Hawaiʻi ma Mānoa. ʻO Kamakaokalani ka muli o nā keiki 5 ma kona ʻohana. No Hāliʻimaile, Maui ʻo ia a 21 ona makahiki. Hula ʻo ia no Kumu Hula Nāpua Grieg ma ka hālau ʻo Nā Lei Kaumaka o Uka mai kona wā i piha ai nā makahiki he 4. Ua komo ka haʻaheo i loko o kona ʻohana, pēlā pū kona kaikunāne, nāna nō i lele mai Las Vegas. “Ua hoʻomaka ʻo ia ma kona wā kamaliʻi,” i ʻī ai kona makuahine ʻo Karen Kamakaolani. “Hula kona mau ʻanakē. He mea hula keu a ka nani ʻo ia.”

Ua ʻōlelo ʻo Kamakaokalani, ʻoiai ʻo ia e hula ana, ua makemake ʻo ia e hoʻohanohano iā Kapiʻolani lāua ʻo Kaʻiulani i ko lāua uʻi, ikaika, a ʻolu. Wahi āna, ʻo ke kuleana o ka mea hula, ʻo ia nō, “e haʻi moʻolelo, e ʻume i ke anaina, e hoʻokuʻu iā lākou e huakaʻi me ʻoe ma o ka hula.”

Miki Hula Aloha 2018

ka makau