Ho‘olaule‘a Hula ‘o Merrie Monarch

Hilo, Hawai‘i

‘Apelila 16-22 o 2017

He mea koʻikoʻi no ka moʻomeheu kona mālama ‘ia i ō mau no nā hanauna e hiki mai ana. He hana koʻikoʻi ka hula i ka moʻomeheu Hawaiʻi no ka mea ‘o kona mau mele oli kahi hoʻokahi i ili mai ai nā moʻolelo mai kekahi hanauna ai kekahi, ʻoiai he ʻōlelo palapala ‘ole ka ʻōlelo Hawaiʻi i ia wā.

He mea maʻamau ka ʻike ʻana i ke kuhi hewa ‘ia ‘ana o ka moʻomeheu Hawaiʻi i ka ʻoihana hoʻokipa malihini. Piha ka hapanui o ka ʻoihana hoʻokipa malihini i nā poʻe komoneʻe mai nā ʻāina ‘ē a me nā moʻomeheu ʻē aʻe i ʻike ʻole i ka moʻomeheu Hawaiʻi. ʻO kēia nele ʻana o ka ʻike kekahi mea e wai aʻe ai ka moʻomeheu Hawaiʻi.  ʻIke ‘ia kēia wai ‘ana ma ke ʻano hula e hōʻike ʻia i nā malihini kipa—he paʻa mele hula mai nā ʻāina Polenesia ʻē aʻe e kohu ‘ole ana i ka hula kuʻuna.

I ka wā i noho aliʻi ai ‘o Kalākaua i ka makahiki 1874-1891, ua hoʻōla hou ʻia ka hula ma hope o ka pāpā ʻia ʻana e ke a‘o mikionali no nā makahiki he nui.  Ua kapa ʻia ʻo ia ‘o ka "Merrie Monarch," i ka manawa o kona noho aliʻi ʻana, ua hoʻoulu hou ʻo Kalākaua i ka ha‘aheo i loko o ka poʻe Hawaiʻi no ko lākou moʻomeheu.  ʻO ka ho‘olaule‘a hula ‘o Merrie Monarch, i hoʻomaka ʻia i ka makahiki 1963, ʻo ia ka hoʻolauleʻa hula nui loa o ka honua a he hōʻailona ia no ka mālama ʻana i ka moʻomeheu Hawaiʻi.

Ka Mea Nui o Ka Hula

"ʻO ka hula ka ʻōlelo o ka puʻuwai a ʻo ia ihola ka pana puʻuwai o nā poʻe Hawaiʻi."

 

Hawaiian language website with local news and cultural events in Hawaiʻi

ka        makau

Nū Hou Kū loko

Nā Leka Kelepona Hope Loa Kaulana

 Abe Lincoln

215 x 375 resizable

     8:15 AM

E Juliet, ua ‘ike wau iā ‘oe ma ka pā‘ina i pō nei.

‘Ae, ua ‘ike nō ho‘i wau iā ‘oe

Makemake ‘oe e hele pū me a‘u?

Inā ‘a‘ole ‘oe i ‘ike, ‘a‘ole launa maika‘i ko kāua ‘ohana. HK‘A!

 

‘O ia hau‘oli nō ia ou

 ‘O ia.  He keu ‘oe a ke

 kanaka akamai i ka ‘ōlelo

 ‘O ia!  E ki‘i wau iā ‘oe i

 ka hola 8!

 Romeo

R

 

     8:33 AM

Today 8:33 AM

E ka pua‘a li‘ili‘i, e ka pua‘a li‘ili‘i, e ‘olu‘olu ‘oe, e ‘ae ia‘u e komo?

A‘ole!  Ua puhi ‘oe i ko‘u hale a hina i lalo!

He ulia pōino kēlā—ua kihe au.

A laila‘a, ua ‘ai ‘oe i ku‘u kaikunāne!

E huikala mai ia‘u.  E hā‘awi mai ia‘u he pepa ho‘okē ihu a e hele wau.

 BB Wolf

 

Today 12:36 PM

 He keu ka lele ‘ana!

He aha?

Ua lele iho nei paha kahi manu i loko o ka‘u

mīkini?!

HE AHA LĀ??!!

HK‘A! Ke pā‘ani wale nei nō au me ‘oe!

Mai leka kelepona me ka lele pū!

 

Ua wela ‘ē ka hao!

 

     12:36 PM

 Amelia Earhart

AE

E kāomi i ke kiʻi me kou manamana lima a me ka ‘iole!

E Ho‘omaika‘i iā Kalani Pe‘a

Ka Leka Kelepona ‘Ana iā 911

Ka Pilikia Moa ʻĀhiu ma Maui

Nā Manō ma Nā Wai Maui

Ana Pūkaʻina Hū
Pele no Haleakalā

Ka Moho Lanakila Pahi Ahi 2017

Today 9:41 PM

E Abe, pehea ka hana keaka?

He keu kēia hana keaka a ke kohu ‘ole!

Minamina noho‘i

‘Oluolu ‘ole kēia mau noho a ‘aohe lumi no kou wāwae

Auē!  Aloha īno

Aole paha e hiki ke kohu hou ‘ole aku.  E hau‘oli au ke pau.

     9:41 PM

 Abraham Lincoln

AL

Nā Hana Le‘ale‘a

Ua noi aku ka papa luna ho‘okele o ka meia o Maui ‘o Alan Arakawa i ka Maui Humane Society e hoʻomaka i ka lapa‘au ʻana i kahi pilikia moa ʻāhiu i pio iho ai ka uila ma ke kahua ho‘olulu mokulele o Kahului i ka mahina ‘o Pepeluali.  ‘Ōlelo ka poʻe ma Maui ke māhua hua aʻe nei ka heluna moa ʻāhiu ma ka mokupuni.  Ma YouTube, ua nui nā poʻe i hoʻouka i wikiō o kahi ʻāmui pōpoki a moa ‘āhiu e noho pū nei ma kahi pāka ma kahi kokoke i ke alanui o Hana he mau ʻenemi maoli e noho like ana kekahi me kekahi ma ka nāhelehele.  Ma ka lā 26 o Pepeluali, ua hōʻike ʻo MECO ua komo he moa ʻāhiu i loko o kahi mīkini kikowaena uila a pio ihola ka uila ma ke hahua hoʻolulu mokulele o  Kahului, nā keʻena hoʻolimalima kaʻa, kahi hōkele kahua mokulele, a me kekahi mau ʻoihana ‘ē aʻe no 30 mau minuke.

Ua ‘ōlelo ʻo Tricia Canon, ka luna o ke keʻena ʻo Kula Hardware i Kula, ua lohe pinepine ʻo ia mai nā mea kūʻai aku e pili ana i ka pilikia moa.  "He nui kā mākou mau nīnau e pili ana i ka lapaʻau ʻana i ka pilikia.  He keu aku ko lākou namunamu ʻana no nā moa kāne.  ʻAʻole lākou ʻike i ka manawa a ke ʻoʻō nei lākou i nā manawa a pau o ke ao a me ka pō," i ‘ōlelo ai ʻo Canon.  Nīnau nā mea kūʻai no ke ʻano mea kaua e hiki ai iā lākou ke hoʻohana.  Lōlō iki wale nō nā moa i ka pū BB a me nā maʻa.  ʻAʻole hiki ke ‘ai ‘ia ka moa o ka nāhelehele e like me ka moa i loaʻa i nā hale kūʻai.

Ke hopohopo nei nā luna o Maui i ka lawehala ʻana o ka pilikia moa ʻāhiu a like loa me ka pilikia nui i loaʻa ma Kauaʻi. Ua ulu ʻino loa ka nui moa ‘āhiu o ka nahele i ka manawa i pakele ai nā moa he nui ma hope o ka luku ʻia o ka ʻāina e ka ʻino ʻo ʻIniki i ka makahiki 1992.  Hōʻike ʻo Beth Tokioka, he luna hoʻike manaʻo no ke kalana o Kauaʻi, "ʻAʻohe papahana hoʻopau moa kūhelu ma Kauaʻi."

Ua lilo ʻo Hawaiʻi ‘o ia ka mokuʻāina 7 o ke aupuni e ʻae i ka poʻe noho a me ka poʻe malihini kipa e hoʻouna aku i kahi leka kelepona i ka ulia pōulia i kūkala ai ʻo Kiaʻāina David Ige. No ka hiki ke leka kelepona iā 911, he koina ka holo pono o ke kelepona, ‘o ia ho‘i kahi pū‘olo leka kelepona a pūnaewele a pono e holo pono ko ka hameʻa ‘ōnaehana kuhikuhina.  ʻAʻole paha e holo kēia ‘ōnaehana leka kelepona iā 911 inā e ‘auana ‘ana ke kelepona a iʻole ma waho ia o kahi ‘āpona kelepona.

ʻO ke kelepona ‘ana ke ala hikiwawe a akamai o ka hōʻike pōulia ‘ana no ka mea, ‘aʻole hōʻike ‘akomi ‘ia ka wahi o ke kanaka me ka leka kelepona. "I loko nō o ka maikaʻi o ke kelepona ‘ana ma ka leo iā 911 e loa‘a ai ka ho‘oka‘a‘ike pōulia no ko kākou po‘e kuli a kīnānā o ka pepeiao," i ʻōlelo ai ʻo Ige.

ʻOi a‘e paha ka maika‘i o ka ‘ōnaehana leka kelepona iā 911 ke palekana ʻole no nā kānaka ke kelepona ‘ana iā 911, ke hiki ‘ole ke kelepona iā 911 no ka noho ʻana ma kahi kāpekepeke o ka pūnaewele holo maikaʻi a iʻole ‘aʻole hiki ke ʻōlelo a lohe paha no ka ʻeha a kāohi ‘ia paha o ke kino.

Ua lilo ʻo Kalani Peʻa, he 34 ona makahiki, ʻo ia ka moho Hawai‘i mua i hoʻopaʻa pā sēdē i eo iā ia ka lei o ka lanakila o ka makana hanohano nui he Grammy a he makana Nā Hōkū no ka pā sēdē hoʻokahi.  "Ua hauʻoli nui wau i ka hiki ke eo mai iaʻu he Hōkū a he Grammy me ka hoʻohanohano pū i koʻu mau kūpuna a me nā mea hoʻokani ʻē aʻe a pau i waele mua i ke ala," i ʻōlelo ai ʻo Peʻa, he kamaʻāina o Hilo e noho nei ma Wailuku. "He makahiki hanohano kēia o ke aloha, ka hauʻoli, a me ke kākoʻo."

Ma kona ʻaoʻao he Hoʻolaukaʻi Kumuwaiwai Hawaiʻi ma Nā Kula ʻo Kamehameha ma Maui, ʻōlelo mai ʻo Peʻa e mahalo ʻo ia i ka lanakila ʻana i nā makana, akā, "ʻAʻole ia ʻo ka mea e ʻike ʻia ai ʻo ia," a iʻole kona manaʻo nui no ka ʻōlelo Hawaiʻi a me ke mele. "E hoʻomau wau e ʻōlelo i ka ʻōlelo Hawaiʻi ma ka home a me ke kaiāulu, iaʻu e haku ʻana i nā mele Hawaiʻi," i ʻōlelo ai ʻo Peʻa. "ʻO koʻu kuleana paʻa nō ia."

BW

Ke hōʻano hou nei ka US Geological Survey i kona ana he ʻumi makahiki ke kahiko—i ka nui weliweli o nā lua pele ‘ā mau ma ‘Amelika Hui Pū ʻIa, ‘o ia ho‘i ke ana “nui weliweli lōpū” no Haleakalā.  I kēia manawa, ʻaʻohe hōʻailona huaʻi pele, e like me ke ōlaʻi liʻiliʻi a iʻole ka heheʻe o ka ‘āina.  Ke noho mālie nei ka Hale o ka Lā i kēia manawa, akā ua ʻōlelo nā mea ʻepekema ʻaʻole ia he mea pili inā e hū ana ka pele, akā, no ka wā e hū hou ai ka lua pele.

Ma kahi o 10,000 kapuaʻi ke kiʻekiʻe o Haleakalā mai ka ʻilikai a ‘o ia ko ka mokupuni wahi kaulana loa i waena o nā malihini kipa mai.  Hū ka pele i kēlā me kēia makahiki 200-500.  Ma ka nānā i ka pūkaʻina hū pele o ka wā ma mua, ʻo kahi e manaʻo ‘ia nei e hū ana ka pele, ma kahi kokoke ia i ke kāʻei māwae komohana hema, he pūka‘ina puka ea e holo ana i loko o ka luapele ‘o Haleakalā a iho ana i La Perouse, kahi i hū hope ai ka lua pele.  ʻO kahi aku e hiki ai ke hū ka pele, ma ke kāʻei māwae hikina ia o ka lua pele e komo ana ma ke kaona o Hāna a he 80 mau mile i ka moana.

ʻAʻole hiki ke wānana kūpono ʻia me ka maopopo loa no ka mea ‘oko‘a kēlā me kēia lua pele a ‘oko‘a kēlā a me kēia huaʻi pele.  "ʻAʻohe hōʻailona no ka ho‘omaha ‘ole ‘ana o ka luapele ma kēia manawa," i ʻōlelo ai nā luna hale kiaʻi. ʻAʻole i ʻōlaʻi i ka honua a ‘a‘ole i hehe‘e ka honua i nā makahiki he iwakālua a ‘oi o ke kilo ʻana iā Haleakalā, wahi a lākou.  Akā, ua aʻoaʻo mai lākou:  "ʻOiai he 200 haneli wale nō makahiki a ‘oi ka hū hope ‘ana o Haleakalā, manaʻo mākou e hū hou nō paha ka lua pele, akā ‘a‘ole hiki iā mākou ke wānana i ka wā."

Ke hū hou ‘o Haleakalā, ʻaʻole ana ia he mea hū ‘ino loa like me Mount St. Helens, akā, e emi nō paha kona nui i ka hū pele maʻamau o Kīlauea me Maunaloa.

Ua eo ka lei o ka lanakila i kahi Kāmoa ʻo Falaniko Penesa ma ka Hoʻokūkū Kahului Hula Pahi Ahi makahiki 25 ma ka lā 13 o Mei, 2017 ma Lāʻie, Hawaiʻi. Hoʻokahi makahiki aku nei, ua lei ʻo Falaniko Penesa, he 26 ona makahiki, o Upolu, Apia, Kāmoa, i ke kūlana ma ka Hoʻokūkū Kahului Hula Pahi Ahi Ākea.  Ua lilo loa ko Penisa manaʻo o ka makahiki i hala iho nei i ka "hoʻomaʻamaʻa i kēlā me kēia lā i mea e kahe maikaʻi ai kuʻu mau ‘ai pahi ahi," a ‘aʻohe nō hana i nele i ka uku.  Ua nui ke kāhāhā o ke anaina nānā ma ka Polynesian Cultural Center i ua Penesa nei, he kanaka hōʻikeʻike ma Disneyland ma Hong Kong me kāna hana kupaianaha ‘o ka ho‘oleilei ‘ana 1 a 2 mau pahi ahi me ka piha uila ma hope o kona kua a ma luna o kona po‘o.  Ua ‘ōlelo ‘o Penesa ‘o kona ‘ohana a me kona mau kākoʻo i Kāmoa ke kumu hoʻolale o kona mana, ka wikiwiki, a me ka nānaina kupanaha o kāna mau ʻai lanakila.

Ua hōʻike ʻia i ka hoʻokūkū 3 lā ka lōʻihi he 18 mau kānaka hula pahi ahi maikaʻi loa mai Kāmoa, Iāpana, Kahiki, Kaleponi, Pololika, a me Hawaiʻi. Ua kāhāhā nā kānaka a pau i ka pae hoʻokūkū o kēia makahiki. "ʻOi aku ka maikaʻi o nā mea hoʻokūkū i kēlā me kēia makahiki," i ʻōlelo ai ʻo Alfred Grace, ka Pelekikena a Luna Hoʻokele o ka Polynesian Cultural Center.

Kūkulu ‘ia ka hula pahi ahi ma luna o ka hula pahi ahi a ka poʻe koa Kāmoa ma mua o ke kaua ‘ana. ʻO ka Hoʻokūkū Kahului Pahi Ahi Ākea ka hanana kaulana loa o ko ka Polynesian Cultural Center hoʻolauleʻa “We are Sāmoa,” ka hoʻolauleʻa momeheu Kāmoa nui loa o Hawaiʻi nei.  Ma kona makahiki 25, ua hoʻokumu ʻia ka Hoʻokūkū Kahului Pahi Ahi Ākea e ka Polynesian Cultural Center e hōʻike i kēia hana kuʻuna Kāmoa haʻaheo a hoʻomau aku no nā hanauna e hiki mai ana.

Mai ka makahiki 2012 mai, ma Maui i loaʻa ai he 60 pākēneka a ‘oi o nā ulia manō hae hui pū ‘ia o Hawaiʻi ma kahi kokoke in nā kapakai o Maui. Aia kahi kumu e ʻoi aku ai ka nui o nā manō ma Maui ma mua o kekahi mokupuni ʻē aʻe o Hawaiʻi:  Me he mākēneki lā nā papakai no nā manō kika o kēlā ‘ano kēia ‘ano.  Aia ma loko o kēia papakai ka nui o nā meaʻai a nā manō kika a ‘o ia pū kahi kūpono loa no ka hoʻomau keiki. ʻO nā wahi o Maui i kipa pinepine ‘ia e nā manō kika ‘o ia pū nā kahakai kaulana loa a me nā wahi hoʻokipa pū kekahi, a ua nui aʻe ka nui o ka poʻe e ʻau kai ana, luʻu kai ana, heʻe papa kū hoe ana, a me ka hoe waʻa kaiaka ma kēia mau wahi.

Ma ke kilo ‘ana ua ʻike ʻia he nui nā manō ma Maui ma mua o Oʻahu.  Ma ka hala ‘ana o 20 mau makahiki, ua pālua ka nui o nā ulia manō nahu ma mua o kekahi mokupuni ʻē aʻe, i loko nō o ka loaʻa o ka poʻe hele i kahakai i kēlā lā kēia lā ma nā kaukani ma nā mokupuni nui ʻē aʻe.  Hōʻike ka ʻikepili noiʻi holo pinepine nā manō i Maui ma mua o ko lākou holo ʻana i nā mokupuni ʻē aʻe ma kahi o ka 2.5 mau manawa o kēlā me kēia mahina: A he 1.5 mau manawa o kēlā me kēia mahina no Oʻahu.

I loko nō o ka loaʻa o nā manō i kēlā lā kēia lā ma nā kai Maui, a he kaukani ka nui o ka poʻe e ‘au kai ana a puni ‘o Maui, ‘o ia kāka‘ikahi nō ia o nā ulia manō hae.  ‘Aʻole hui maʻamau ka manō kika me nā kānaka.

Hiki iā ʻoe ke hahai i kēia mau manō ma Pacific Islands Ocean Observing System.

Nā Mea Kōkua no ka Po‘e Malihini

Kau i ka lei ma ka hope nānaina aniani o kou hoʻolimalima kaʻa. Ma kēia mea e kōkua iā ʻoe e loaʻa i kāu kaʻa inā loaʻa he 7 e like me ia i ka wahi kūkulu kaʻa.


Mai huli i kou kua ma ka moana.

E wehe i kou mau kāmaʻa ma mua o kou komo ʻana i ka hale. E hōʻoia e lawe i kou mau kāmaʻa ponoʻī ke hele ʻoe!

Mai hoʻokuʻi aku me ke kaikamahine kūloko a hiki i ka maopopo loa i male ʻole ‘o ia. Kāhea ʻo ia i kāna kāne a ʻo ia e kāhea aku i kona mau kaikunāne a e noho ana ʻoe ma MMMC no ke koena o kou noho.


Mai ʻōlelo hōʻino no Barack Obama--ke keiki punahele a Hawaiʻi.

Mai hoʻohanohano i kāu pū kani. He mahaʻoi loa ia.

Mai haʻi mai iā mākou pehea e hana ʻia ai ma Mainland.

Mai hoʻāʻo e kamaʻilio i ka pidgin i nā kamaʻāina.

E wewe i ka palaka aloha, akā,ʻaʻole e loaʻa i ka lole a me ke palaka e like me. Pono ʻoe e kākau i ka poʻe mākaʻikaʻi ma kou lae.

E hoʻāʻo e hoʻomanaʻo ʻaʻole nā poʻe noho i ka hoʻomaha. Noho mākou a hana iʻaneʻi.


Mai ʻau i ka moana i ka napoʻoʻana o ka lā. Hōʻalo ʻia kēia i "manawa ʻai."

Mai kūʻai i kahi timehare. ʻAʻole ke kūʻai maikaʻi ʻoiai inā loaʻa iā ʻoe ka ʻaina kakahiaka ʻaʻohe uku.

Ka ʻAekai Kanaio

Nā Penekuina ma Maui

E Peʻe Ana i Kahi Ahuwale ma Maui

Nā Hanana Hiki Mai

Akakū o ke Ānuenue

Nā Niho o ka Moʻo Nui

Kāko‘o no ka ‘Ōlelo Hawai‘i

 

Tesoro a me 76

Pukalani Superette

E kāomi i ke kiʻi me kou manamana lima a me ka ‘iole!

I loko nō o ka hiki ke nalowale ka ʻōlelo i loko o ka hoʻokahi hanauna, he 3 mau hanauna ka mea e ola hou mai ai. Mahalo i kēia mau pāʻoihana no ke koho ʻana e hāpai i ka ʻōlelo Hawaiʻi ma kā lākou mau ʻoihana.

Hoʻomaikaʻi iā Pukalani Superette no ke kākoʻo ʻana i nā haumāna o nā Kula ʻo Kamehameha i kā lākou hana e hoʻoholomua i ka moʻomeheu a me ka ʻōlelo Hawaiʻi ma ka hoʻohana ʻana i nā huaʻōlelo Hawaiʻi ma nā lepili ma ka nui o nā waiwai kālepa.  Kūpaʻa ke Ola Nā Iwi Club ma ke kahua kula o nā Kula ʻo Kamehameha ma Maui i ka hoʻomau i ka moʻomeheu Hawaiʻi a me ka ʻōlelo.

Ua pā ka naʻau o ke alakaʻi o ke Ola Nā Iwi Club, ‘o Kumu Kehau Lucas, e hoʻokau i nā lepili e hoʻohana ʻia ma Pukalani Superette ma hope o kona ʻike ʻana aku i nā lepili ʻōlelo Hawaiʻi ma kahi hale kūʻai KTA ma ka mokupuni ʻo Hawaiʻi. "Mahalo nui iā Pukalani Superette no ka ʻae ʻana i nā haumāna he ala e hoʻolaha aku ai i ka ʻōlelo Hawaiʻi ma waho o nā paia o ka lumi papa," i ʻōlelo ai ʻo Kumu Lucas.

Hōʻike nā lepili, i hoʻolauna ʻia ma ka Superette i ka mahina ʻo Kekemapa 2016, i ka hua ʻōlelo Hawaiʻi no ka waiwai kālepa ma kahi laina me ka unuhi Pelekānia ma lalo.  Ma ka huli lolelole ʻana i ka ʻōlelo QR ma nā lepili, hiki iā ʻoe ke lohe i kahi leo o ka puana kūpono o ka huaʻōlelo a me kona hoʻohana ʻia ʻana i loko o ka māmalaʻōlelo.

Ua kapa hou ʻia he mau hale hoʻopihapiha kakalina Tesoro a 76 ma ka inoa ʻo Hele na ka ʻona ʻo Par Pacific Holdings, Inc.  He 125 mau hale hoʻopihapiha kakalina ea a ka hui ma Hawaiʻi, a ke kapa hou nei ka hui i ka inoa o ka 27 mau hale hoʻopihapiha kakalina ma Oʻahu, 4 ma Maui, a he 6 ma ka mokupuni ʻo Hawaiʻi.  He $4 miliona kālā ka nui o ka lilo no kēia hana. Kaʻa ma lalo o ke kapa inoa hou ʻana ke kūʻai he kaupoku hale hou, nā hōʻailona hōʻike kumukūʻai kakalina, a me nā pauma hoʻopihapiha kakalina.

I kou mākaʻikaʻi ʻana iā Nā Niho o ka Moʻo Nui ma ka ʻaekai o Kapalua, hiki iā ʻoe ke hoʻomoeā iā ʻoe iho i loko o ka waha o ka moʻo nui.  Kohu nā pōhaku o laila i ka niho ʻoiʻoi e kukū ana mai loko mai o kahi ā nui loa.

He 5-10 mau minuke ka hele ʻana o Nā Niho o ka Moʻo Nui i ke kahua ʻo Kapalua Golf Club Bay. E hala ana kahi kahua kolepa paʻahana loa, kahi e hili ʻia ai nā pōpō kolepa, e hiki ai nō paha ke ʻeha ke kanaka. E noho a pili pū i ka pā ma ka ʻaoʻao ʻākau (mai hele ʻaʻe i ka puka), i ka ʻike ʻana i nā poʻe kolepa ma ka pāpū, ma ke alaloa, a puni ke kula ʻōmaʻomaʻo.  He mālualua ka ʻāina ma Nā Niho o ka Moʻo Nui; no laila, e komo i nā kāmaʻa kūpono a e nihi ka hele.

He wahi ka Leleiwi Lookout i loko o ka Haleakalā National Park no kahi mea kupanaha, a ʻo ia kekahi wahi i loko o ka ʻekolu wahi ma ka honua e loaʻa ai kēia mea kupanaha--ʻo Kekokia a me Kelemānia nā wahi ʻē aʻe ʻelua o ka honua. He 7.5 mile ka lōʻihi (hikina a hiki i ke komohana) o kēia lua pele nui, he 2.5 mile ke ākea, a he 3,000 kapuaʻi ka hohonu.  Lawa loa ka nui o ka lua pele e kau pono ai ka mokupuni holoʻokoʻa ʻo Manhattan i loko!

He kupanaha ka ʻikena nani lua ʻole ma kēia wahi mākaʻikaʻi, akā, inā ʻoe e hele i kēia wahi mākaʻikaʻi i ka manawa kūpono--kokoke i ka napoʻo ʻana o ka lā i ka wā e iho mai ai nā ao a aia ka lā i kahi kūpono ma hope ou—e ʻike ʻoe i ke aka o kou aka kino ponoʻī iho nō ma ke ao, i hoʻopuni pū ʻia e ke ānuenue kohu luahoana. Ma muli o ka lawa kūpono o ka lā, malu, a me ka noe kēia nani kupanaha, i kapa ʻia he "Brocken Specter." Wahi a kekahi poʻe Hawaiʻi, me he ʻike ʻana ia i kou kino wailua ponoʻī iho nō ua mea nei.

Nui nā poʻe e kāhāhā nei i ka ʻike ʻana i nā penekuina i kahi kaiapuni kopikala. ʻO ka ʻoiaʻiʻo 2 wale nō lāhulu penekuina no loko mai o nā lāhulu penekuina he 17 e noho ana i kahi aniau anuanu, e like me Antarctica. Noho nā mea i koe i nā wahi mehana i ka hapa nui o ka makahiki; ma waena o lākou ‘o ka penekuina wāwae ʻeleʻele ‘Apelika.  He home ka Hyatt Regency Maui no 7 o kēia mau penekuina, a he 6 o lākou i hānau ʻia ma ia ‘āina.

"Like ko lākou nānā ‘ana ke nānā aku ‘ike ‘ia nō naʻe ka ‘okoʻa ma ke ‘ano o nā kaha o ka ʻōpū, i like ka nui me ka meheu manamana lima kanaka," i ʻōlelo ai ʻo Christina Sagadraca, ka luna hoʻomalu holoholona lōhiu o ka hōkele. "He kū hoʻokahi kēlā me kēia kaha; ʻaʻohe nō kaha i like."

Pau i ka penekuina he 100 mau paona iʻa i kēlā me kēia pule. He nīele a laulauna lākou a ʻike ‘ia i ka ‘olala i ka lā, i ka ʻeli i nā lua i ke one, i ka hohō e like me nā kēkake, a i ka holo i ke kai.  Hānai ʻia nā penekuina i kēlā lā kēia lā ka 9:30 am i ke kaiapuni penekuina ma ka lumi hoʻokipa. Hiki iā ʻoe ke komo i ka leʻaleʻa ma ka hahai ‘ana i ke kūlelepaho ma #PenguinInParadise.

ʻO ka ʻAekai Kanaio, ma ka ʻaoʻao hema o Maui, ʻo ke kai ke alanui e hōʻea aku ai. ‘Aʻole nui nā poʻe e huakaʻi ana i kēia māhele noho ʻole ʻia o Maui. ʻO ke ala maʻalahi loa no ka ʻike ʻana i kēia kahakai, ʻo ke komo ʻana i ka huakaʻi mākaʻikaʻi moku a waʻa.  Hele kēia mau huakaʻi i loko o nā ana kai huna, ma loko o nā hoaka piʻo o ka ʻalā a me nā ana māmalu.  Komo pinepine kēia mau huakaʻi i La Perouse Bay, kahi kipa ʻia e nā naiʻa kūwili, a me La Perouse Pinnacle, kahi māhele o ka ʻāina ma lalo o ka wai i piha i nā iʻa kopikala.  Paipai ʻia ka luʻukai ʻana ma kēia mau wahi.  ʻAʻole kēia mau wahi he wahi kipa nui ʻia e ka poʻe malihini i kēia manawa, akā, ʻaʻole e ʻemo, e mumulu mai nō ka poʻe.

Palapala kiʻi . . .

Aia kahi pilikia

Loaʻa i ka palapala!

Ho‘oka‘a‘ike

Ka manawa ma Hawaiʻi:

Hawaiian language website with local news and cultural events in Hawaiʻi

ka       makau

Kahuapaʻa pūnaewele na S.Hardy